17 қараша — халықаралық студенттер күні. Осы атаулы датаға орай университетімізде салтанатты шара өткізілді. Студенттерге арналған мерекелік шараны университетіміздің ректоры Оңдасын Әшімов ашты. Шара барысында университетіміздің ректоры оқу ордамыздың үздік студенттеріне мақтау қағаздарын табыс етті. Олардың дені көптеген ғылыми және қоғамдық жұмыстардың белсенді мүшелері болып табылады. Сонымен қатар оқуда жеткен жетістіктері үшін шәкіртақы иесі атанған студенттреге сертификаттар табысталды, және жастар ректормен естелік суреттерге түсті. Сонымен қатар, салтанатты шарада «Үздік студент» атағының иесі де белгілі болды. Ол Станислав Сивинский.
Бұндай жеңіске мен ұстаздарымның арқасында қол жеткізіп отырмын. Оларға алғысымды айтқым келеді. Болашақта ақпараттық жүйелер бойынша көптеген ғылыми жобаларды жазуды көздеймін, - дейді Станислав Сивинский.
Салтанатты шара әрі қарай өнерлі студенттердің концертіне ұласты.