"Қазақ хандығына 550 жыл". Париж қаласында осы атаумен конференция өтті. СҚМУ-дың екі оқытушысы, Зылиха Бимаканова мен Ақмарал Ибраева, осы конференцияның қатысушысы болды. Бұл іс-шара ЮНЕСКО мен Қазақстан Республикасының Франциядағы елшілігінің қолдауымен өтті. Бұл конференцияның ұйымдастырушылары болып жетекшісі әйгілі ғалым Григорий Томский болып табылатын Халықаралық Конкорд академиясы, "Алаш" ғылыми-зерттеу институты, "Адам капиталы" академиясы және Қазақстан Жолаушылар Одағы табылды.
Конференцияға түркі халықтарының тарихын зерттеумен айналысатын Сорбонна университетінің де ғалымдары қатысты. Олар Ғұндар кезеңіне ерекше көңіл бөледі. Өйткені ұлы Рим империясын талқандап, өткен кезең тарихының барысын өзгерткен ғұндар болатын.
Оқу ордамыздың оқытушылары өз баяндамаларын оқыды. Ақмарал Ибраева Қазақ хандығының әлемдік қоғамдастығымыен қарым-қатынасы жайлы сөз етті.
Сапар барысында қатысушыларға экскурсия ұйымдастырылды. Олар Мұстафа Шоқай ескерткішіне, Шампанидағы Аттила лагеріне, Каталун шайқасы орнына барып қайтты.
Біздің оқытушыларды қуантқан жайт - еуропалықтардың өзге ұлттардың да тарихына көңіл бөлетіндіктері. Парижде Мұстафа Шоқай өмір сүрген үй заңмен қорғалады. Сонымен қатар Каталун шайқасы кезіндегі Аттила әскері негізделген лагерь ЮНЕСКО-ның бақылауында. Ұрыс алаңында қазіргі заманның бірде-бір ғимараты жоқ.
Ғылыми конференция Парижде 3 күнге созылды. Бұдан кейін қазақ елі үшін маңызды іс-шара Түркия елінде де атап өтілді. Атаулы оқиғаға орай "Қазақ хандығына 550 жыл" атты жинақ шықты. Бұл жинақта университетіміздің оқытушылары, Сабыр Ибраев пен Ақмарал Ибраеваның мақалалары ерекше орын алды.