Сазды-педагогикалық факультетте Тұңғыш Президент күніне орай өткізілген ғылыми-тәжірибелік конференцияның атауы - "Студенттік ғылым-2015". Бұл іс-шараның ұйымдастырушысы - қызметі ғылыми студенттік жобаларды жүзеге асыруға бағытталған "Эврика" студенттік ғылыми қоғамы.
СПФ деканы Айнагүл Саржанова отырысты аша отыра, ғылым заманауи жоғары оқу орны қызметінің ажырамас бөлігі екенін атап кетті. Ол студенттерге факультеттің ғылыми қызметі, атап айтқанда, шынымен де ғылыми жұмыспен айналысатын студенттерге ашылатын перспективалар мен басты бағыттары туралы әңгімелеп берді.
Биыл өткен жылмен салыстырғанда студенттердің аталмыш конференцияға деген қызығушылығының саны артты. Жарияланымға 82 мақала ұсынылды.
Пленарлық отырыста баяндамашылар қазіргі заманның өзекті мәселелері туралы сөз қозғады. Мысалы, Арина Мингулова "Конфессияаралық және этносаралық келісім - ел келешегінің кепілі" тақырыбында мақала ұсынды. Студент тыңдармандардың назарын ұлттар арасындағы достық қарым-қатынас пен қоғамның нығаю маңыздылығына аударды.
Әрі қарай конференция жұмысы үш секция бойынша жалғасты: "Педагогика, психология, дефектология және өзін-өзі танудың өзекті мәселелері", "Мектепке дейінгі және бастауыш білім беру мәселелері" және Музыкалық білім беру және мәдени-тынығу жұмысы мәселелері".