30 қараша Нұрсұлтан Назарбаев Ақ Ордада Қазақстан халқына Жолдауымен сөз өйледі. Елбасы өз Жолдауында 2016 жылдың бағыттарын нақты атап өтті. Ол - өсу, реформалар және даму.
Өткен дүйсенбіде М.Қозыбаев атындағы Солтүстік Қазақстан мемлекеттік университетінің студенттері мен оқытушылары еліміздің азаматтарымен бірге Қазақстан Республикасының Тұңғыш Президенті Нұрсұлтан Әбішұлы Назарбаевтың Қазақстан халқына Жолдауының тікелей трансляциясын көрді. Жолдауда негізінен еліміздің дағдарысқа қарсы стратегиясына көңіл бөлінді. Елбасы жаһандық дағдарыс - тек қана қауіптілік емес, сонымен қатар жаңа мүмкіндіктер екенін атап өтті.
2016 жылғы қаңтар айынан шәкіртақы 25%-ға арттырылатыны студенттер үшін жақсы жаңалық болды. Қалған әлеуметтік топтарға да мемлекет тарапынан қолдау көрсетіледі.
Назарбаев Университетінің "Астана бизнес кампусы" хайтек-паркі мен Алматыдағы "Алатау" технопаркі еліміздің ғылымды қажет ететін орталықтары болады. Аталмыш базаларда жұмыс істеу Қазақстанда білім мен ғылымның дамуына түрткі болмақ.
Сонымен қатар кәсіби-техникалық білім беру саласына да өзгертулер енгізіледі. 2017 жылдан бастап бұл бағытта оқу тегін болмақ. Ел Президенті Қазақстанның жастарын жұмыс мамандықтарын меңгеруге шақырды.
16 желтоқсан Қазақстан тәуелсіздігінің жиырма бес жылдығын атап өтеді. Жаһандық ахуалға қарамастан, Президенттің "Қазақстан жаңа жаһандық нақты ахуалда: өсім, реформалар, даму" атты Жолдауы қазақстандықтар үшін қауіпсіздік және тұрақтылық кепілі болмақ. Болашаққа қойылған мақсаттар мен жоспар - анық. 7,2 триллион теңгеден астам қаржы бөлінді. Президент Жолдауын жүзеге асырылуына белсенді ат салысу - әрбір қазақстандықтың парызы!
