Ақыры оқу ордамызда гендерлік теңдік орнады: қыздар ұлдармен қатар әскери билет ала алады. Қорғаныс министрінің бұйрығы бойынша ағымдағы жылда еліміздің жоғары оқу орындарында әскери кафедраға 500-ге жуық қыз қабылданды. М.Қозыбаев атындағы СҚМУ-да 28 болашақ қыз лейтенант әскери дайындықтан өтіп жатыр.
Қыздарға әскери кафедрада төрт мамандық ішінен екі мамандықты меңгеріп шығуға ұсыныс жасалды: әскери психолог және идеолог. Заманауи құрал-жабдық, тәжірибелі оқытушылар, әскери техника мен қару-жарақ - мұның бәрі тең дәрежеде өтіп жатқан қыздар мен ұлдардың сапалы даярлығына жағдай жасайды. Взводтар ұлдарға және қыздарға арналған деп бөлінбейді, соған орай қыздар үшін нормативтер де жеңілдетілмейді. Оқыту әскери күн әдісімен іске асырылады: студенттер әскери кафедрадағы сабақтарға қатысу үшін бір күнге сабақтардан босатылады.
Университетімізде әскери кафедрада қыздар оқу деген - жаңалық, шындығында бұл бұрын-соңды болып көрмеген жағдай емес. Себебі ертеден-ақ ерлерге арналған мамандықтарды қыздар да меңгеріп келеді. Еліміздің әскери қатарында 8 мың әйел адам әскери қызмет атқарып жүр, бұл Қарулы күштердің жалпы штаттық санының 12%-ын құрайды.
"Петропавл мисі" сұлу байқауының қатысушы, жымиған, атақты пушкиндік батыр әйел секілді әдемі Виктория Пронина ұзын көйлектің орнына көкшіл сұр түсті камуфляж киіп жүр, ал қолында Макаров тапаншасы.
Студенттер әскери кафедраға романтика, болашақта жақсы үлес немесе жеңілдік іздеу үшін емес, жүрек қалауларымен түсті. Жетекшілердің айтуынша, қыздар өз міндеттерін ерлерден артық орындамаса, кем орындамайды, сонымен қатар олар әскери қызметте тәртіп пен сөйлеу әдеп нормаларын нығайтуға жағдай жасайды.