Өткен аптада Қазақша КТК Лигасы кезеңі ашылды. Байқауға университеттің 7 командасы қатысты.
Қазақша КТК лигасында "Студенттік өмір" атауымен ойын кезеңі ашылды. Барлығы 7 команда. Ұлдармен қатар қыздар да әзіл-сықақта күштерін сынамақ. Қыздар командасы ретінде сазды-педагогикалық факультеттің "Тәртіпті бұзықтар" немесе "Прилежные хулиганки" командасын атауға болады.
Қазылар алқасында Сәбит Мұқанов атындағы қазақ драма театрының әртістері болды. Студенттердің ойынын облысымыздың бас КТК-шы Ерлік Мұхамеджанов та бағалады:
"Жастардың КТК-ға деген қызығушылығы артып келе жатқаны қуантады. Күн артып көңілді және тапқырлар клубы құрамын жаңа қатысушылар толықтырып келеді. КТК облыстық лигасы ең әзілқой әрі дарындыларды іздестіру бойынша әрдайым жұмыс жүргізеді. Облыстық және қалалық деңгейде фестивальдар өткізіледі. Жақында Облыс әкімі кубогына ойын өткізілді. Жалпы, өңірімізде 50-ге жуық команда бар".
Ойыншылардың әзілдері көрермендердің көңілінен шықты. Көрермендердің шапалақтары мен күлкілер оған дәлел болды.
Тарих, экономика және құқық факультетінің "Тарихшылар" командасы КТК ойындарына алғаш рет қатысты. Олар әзілдерімен көрермендердің көңіл-күйлерін көтерді.
Өткен кезеңнің жеңімпаздары тіл және әдебиет институтының "Мәссаған" командасы әлсіздік танытуды қаламай, лайықты ойын көрсетті.
Ойын соңында үздік командалар анықталды. Қазылар алқасы 1 орынды қыздарға - "Тәртіпті бұзықтар" командасына берді. "Тарихшылар" командасы 2 орынға ие болды. Ал, 3 орын филологтар "Мәссаған" командасының меншігінде болды. 4 жүлделі орынды ақпараттық технологиялар факультетінің әзілқойлары "Фитнес" командасы иеленді.
