СҚО-да ҚР Тәуелсіздігі күніне орай полиция қызметкерлері, университетіміздің студенттері мен оқытушылары арасында спартакиада ұйымдастырылды.
Манаш Қозыбаев атындағы Солтүстік Қазақстан мемлекеттік университеті қабырғасында Қазақстан Республикасы Тәуелсіздігі күніне орай СҚО ІІД, Петропавл қаласының ІІБ және университет командалары арасында спартакиада өтті. Спартакиадаға облыстық ісшкі істер департаментінің, Петропавл қаласы ІІБ қызметкерлері, университетіміздің студенттері мен оқытушылары қатысты. Жарысқа қатысушылар өздерінің спорт өнерлерін үстел теннисінде, волейболда, арқан тартуда, жүзуде және пневматикалық винтовкадан атуда көрсетті.
Спартакиаданың ашылу салтанатына СҚО бойынша күресфедерациясының құрметті президенті, "Динамо" дене шынықтыру-спорттық қоғамның ардагері Бауыржан Құлжанов, EBU нұсқасы бойынша Еуропа чемпионы, жеңіл салмақта WBA нұсқасы бойынша уақытша әлем чемпионы, боксшы, жерлесіміз Жанат Жақиянов қатысты.
"Мұндай жарыстар қатысушылдардың басын қосады, қарым-қатынастарын нығайта түседі. Бұл іс-шараның басты мақсаты - спортты, салауатты өмір салтын насихаттау, сондай-ақ, жастар мен полиция қызметкерлерін өзара араластырады", - деп атап кетті СҚО ІІД басшысының орынбасары, полковник Виктор Букреев.
Жарыстар Солтүстк Қазақстан облысы Ішкі істер департаментінің бастамасымен ұйымдастырылады.
СҚО ІІД баспасөз қызметі