Жаңажылдық мерекелер қарсаңында университет қабырғасында классикалық музыка туындылары тыңдалды. Жыл сайын оқу ордамыздың студенттері мен қызметкерлеріне мұндай сыйлықты сазды-педагогикалық факультеттің музыка пәндері кафедрасының аға оқытушысы Андрей Слезко жасайды.
Андрей Слезконы әрдайым орындаушы ретінде қалыпта болуға тек тәлімгерлік қана емес, сондай-ақ, оның тегіі де міндеттейді. Андрей Анатольевич - музыканттар династиясының өкілі. Ал концертте оның басты төрешісі оның анасы болды. Альбина Иосифовна "Баланың бойында тамаша сезімді қалай тәрбиелеуге болады?" деген сұраққа "Бастысы балаға өз бойыңдағы бар жақсы қасиеттерді беру қажет. Уақыт пен көңіл бөлу керек. Әрине, армандау қажет!", - деп жауап қайтты.
Альбина Иосифовнаның арманы орындалды. Бүгінде Андрей Слезко – көрермендерінің сүйікті әртісі, дарынды орындаушы және жас музыканттар үшін қадір тұтар мысал.
Андрей Анатольевичттің айтуынша, концерттің басты мақсаты – жастарды классикалық музыкаға тарту. Аталмыш іс-шараға екі жыл қатарымен қатысып жүрген облыстық симфониялық оркестрдің де мақсаты - осы.
Концерттің бірінші бөлімінде Сергей Имашбаевтың жетекшілігімен симфониялық оркестр әйгілі жапон композиторы Джо Кисаишидің туындысын орындады. Екінші бөлімінде қазақстандық және шетел авторларының туындылары орындалды. Онда Ұлы Норвегия композиторы Григтің шығармашылығы ерекше орын алды.
Биыл концертке Республикалық және халықаралық байқаулардың лауреаты, "Астана опера" дирижері Рахымжан Баспаев қатысып, сәнін келтірді.