Солтүстік Қазақстан мемлекеттік университетінде пресс-конференция өтті. Ректор Оңдасын Бәйкенұлы Әшімов оқу орнының 2015 жылдағы қызметіне қорытынды жасады. Ең бастысы мемлекеттік аттестаттау болды. Аттестациялық комиссия жұмысының қорытындысы бойынша оқу орнындағы білім беру сапасы жоғары бағаға ие болып, университет өт жұмысын әрі қарай жалғастыруда.
Университетте 75 бакалавриат және магистратура мамандығы бойынша мамандар даярланады. Олардың бірқатары халықаралық еуропалық агенттіктермен аккредиттелген. Осы мамандық бойынша білім алып жатқан студенттер оқуларын аяқтаған соң дипломға "евро-бакалавр" және "евро-магистр" сапа белгісі бар халықаралық үлгідегі қосымшаға ие болады.
Аккредиттеу және рейтингтің тәуелсіз агенттігі СҚМУ-дағы техникалық кадрлардың даярлануын жоғары бағалаған болатын. 2015 жылғы қорытынды бойынша электр энергетикасы, радиотехника және т.б. мамандықтар 1, 2 және 3 орындарға ие болды.
Қазақстанның жоғары оқу орындарының рейтингісі жүргізілген кезде оқу және ғылдыми қызметпен қатар түлектердің жұмысқа орналасу деңгейі де есепке алынады. Аталмыш көрсеткіш бойынша университетіміз үздік "жетілікке" кірді.
ЖОО қосдипломды білім беру бағдарламасын белсенді түрде енгізуде. Қазіргі кезеңде университетіміз бен Ушинский атындағы Омбы Мемлекеттік Педагогикалық университеті арасында меморандумға қол қойылды. СҚМУ аталмыш жоғары оқу орнымен бірге "Ақпараттық жүйелер" мамандығы бойынша магистрларды даярлауда. Аталмыш бағдарлама бойынша білім алып жатқан студенттер екі, қазақстандық және ресейлік диплом алады. Жақын арада СҚМУ Достоевский атындағы Омбы Мемлекеттік Университетімен бірге ұқсас бағдарлама жүзеге асырылады.
Журналистармен кездесу барысында ректор Оңдасын Әшімов университеттің жоспарлары туралы айтып кетті. Солардың бірі - СҚМУ жанындағы колледж жұмысын орнына келтіру. Қазір Заңнамаға енгізілген өзгертулер мен түзетулерге сәйкес лицензия алу үдерістері жүріп жатыр.
Оңдасын Бәйкенұлы университет жетістіктерінің арасында университеттің "Жасыл ел" командасының жұмысын да атап өтті. Бағдарламаның 10 жылдық қызметі шеңберінде "Үздік жоғары оқу орны" атағымен марапатталды.
