М.Қозыбаев атындағы СҚМУ ұжымы 2013 жылғы 2 сәуір күні «Казахстанская правда» газетінде жарық көрген ҚР білім және ғылым министрі Бақытжан Жұмағұловтың «Біз үшін ең бастысы білім сапасы» атты сұхбатын талқылады.
Министрмен болған сұхбатта 2011-2020 жылдарға арналған білім беру саласын дамытудың бағдарламасының соңғы екі жылда жүзеге асырылған іс-шаралардың барысы жайында айтылған.
Министрдің айтуынша, «Білім берудің жаңа сапасына көшу туралы Елбасының алға қойған, жүзеге асырып отырған жүзеге асырылатын, шешілетін мақсаттардың барлығы аса маңызды». Оның ішінде электрондық оқыту, білім қызметінің сапасын ұлттық деңгейде бақылау, Кембридж университетінің бағдарламас бойынша жоғары оқу орындарының оқытушылары мен студенттеріне, түлектерге тәуелсіз сертификат беру арқылы мұғалімдердің біліктілігін арттыру секілді жаңа жүйелерді атауға болады.
Университет оқытушылары мен студенттері сұхбатта көтерілген мәселелер бойынша пікір алмасты. Отырысты жүргізген оқу орнының әлеуметтік-тәрбие жұмыстары жөніндегі бөлім бастығы Эльмира Танакулова ғылым саласында қойылған мақсаттар, ғылым туралы заң, ғылымды қаржыландыру тетіктері жөнінде мақсат-міндеттері әңгімеледі. Сондай-ақ университет жанындағы көп салалы колледжінің оқытушысы Ирина Бекметова министрдің айтқанындай электрондық оқыту барысының университетімізде қалай іске асып жатқандығы турысында әңгімеледі. Студенттер кәсіподағының төрағасы Қуаныш Мәметов пен студенттік кеңес белсенділері білім сапасын арттырудың жастар үшін зор мүмкіндіктер ашатынына сенім білдірді. Отырысқа қатысушылар жаңа бастамаларды бірауыздан қолдайтындарын жеткізді.
