"100 нақты қадам" Ұлт жоспары шеңберінде М.Қозыбаев атындағы СҚМУ "Қазақстан халқы Ассамблеясы" кафедрасы ҚР Тұңғыш Президенті Н.Ә.Назарбаев ұсынған бес институционалдық реформаны жүзеге асыру бойынша Солтүстік Қазақстан облысының мұражайларына арналған виртуалдық көрме ұйымдастырды.
Жобаға қатысуға СҚО мұражайларының ұжымдары шақырылды, атап айтқанда: бейнелеу өнері, тарихи-өлкетану, археологиялық, этнографиялық, әскери тарих мұражайлары, оның ішінде мектеп мұражайлары.
Он үш мұражай ниет білдіріп, көрмеге арналған материалдарын ұсынды. "Қазақстан халқы Ассамблеясы" кафедрасының ғылыми-әдістемелік бірлестігі мен СҚО мұражайлар бірлестігі мүшелері қатарына құралған редакциялық алқа презентациялық материалдарды іріктеп, бір қалыпқа келтірді.