ҚХА кафедрасы "Нұр Отан" партиясының "Болашақ" филиалының қатысуымен 2016 жылғы 1-24 ақпан аралығында Қазақстан Республикасы Тәуелсіздігінің 25 жылдығына арналған "Гүлдене бер, Қазақстаным" облыстық Байқау-көрмесі өткізілетіні туралы хабарлайды.
Байқау-көрме жастардың бойында өз еліне деген сүйіспеншілік пен оның жаңа тарихына деген тағдырластық сезімін тәрбиелеу, Қазақстан Республикасының Тәуелсіздік жылдарындағы жетістіктерін бейнелеу өнері құралдары арқылы көрсету мақсатында өткізіледі.
Байқау-көрмеге Петропавл қаласы мен Солтүстік Қазақстан облысының білім беру мекемелерінде білім алатын жастар (оқушылар, колледж және қосымша білім беру мекемелерінің білім алушылары, студенттер) қатыса алады.
"Гүлдене бер, Қазақстаным" суреттер мен плакаттардың облыстық байқау-көрмесі туралы толық ақпарат Байқау туралы Ережеде берілген.