Солтүстік Қазақстан облысында эпидемиялық кезең күз мезгілінің ортасында басталады. Қысқы мезгілінің соңғы айы кеп қалса да, денсаулық сақтау саласының қызметкерлері тұрғындармен профилактикалық әңгіме жүргізу жұмыстарын жалғастыруда. Өткен аптада университетіміздің студенттеріне вирустық инфекциялық аурулар жайлы ақпарат берді.
Тұмау мен ОРВИ – өңіріміздің тұрғындары үшін күз және қыс мезгілдерінде тұрақты қауіп-қатер. Бұл эпидемиялық кезеңде ауырғандар көрсеткіші өткен жылдағымен салыстырғанда 13%-ға төмен. 14 жасқа дейінгі балалар арасында ауырғандар көрсеткіші 32%-ға төмен. Өңіріміздегі эпидемиялық жағдай туралы Тұтынушылардың құқықтарын қорғау департаментінің инфекциялық және паразиттік аурулады эпидемиологиялық бақылау бөлімінің жетекшісі Фарида Мұхамеджанова айтып өтті: "Эпидемиялық кезең басынан облыс бойынша 10490 ОРВИ және 10 тұмау жағдайы тіркелген. 100 мың тұрғынға 1841,6 жағдайдан келеді. Өткен жылы осы уақытта 2284 жағдай тіркелген болатын".
Организмді дерттен қорғаудың көптеген шаралары бар. Ол - халықтыөқ медицина құралдары және заманауи фармацевтикалық препараттар. Аурудың алдын ала алмаған жағдайда, оған дұрыс диагностика жасау өте маңызды. Дәрігер Ирина Артющик тұмау ОРВИ мен ОРЗ-дан айыру белгілері туралы айтып берді. Тұмау аяқ асты бастылып, дене температурасының тез жоғарылауымен жалғасады. Организм улы заттармен улануы пайда болады, оның белгілері: қалтырау, қозғалу белсенділіктің төмендеуі, бұлшықет пен бастың ауруы, барлық дененің сырқырауы, төс сүйекте сыздаумен құрғақ жөтел.
"Егер өз денсаулығыңа ұқыппен қарамасаң, ешқандай да профилактикалық әңгіме көмектеспейді", - дейді Ирина Артющик. Салауатты өмір салты мен қорғаныс шаралары сіздің иммунитетіңізді тұмаудан шектейді.