"Герольд Бельгер – Қазақ Халқының Үлгілі Баласы". Герольд Карлович Бельгердің қызметіне арналған аймақтық ғылыми-тәжірибелік конференция осындай тақырыпта өтті. Атақты Қазақстан жазушысы, аудармашы, публицист әрі қоғам қайраткері Г. Белгьгер өткен жылдың 7 ақпанында дүниеден озды. Конференцияны ТжӘИ директоры Ж.С. Таласпаева ашты. Іс-шарада оқытушылар мен студенттер, сондай-ақ, қала мектептерінің ұстаздары да өз баяндамаларын жасады.
Герольд Бельгер – туындыларын қазақ, орыс, неміс тілдерінде жасаған бірегей талант иесі. Шығу тегіне қарамастан, Бельгерді қазақ халқының шынайы ұлы деуге болады. Ол бұрынғы Поволжье автономды республикасында Мангейль неміс ауылында дүниеге келген. Герольд Бельгер жер аудару жылдары Солтүстік Қазақстан облысының Тереңсай қазақ ауылына аударылған.
Үш түйісте, үш тілде туынды шығару дәл Герольд Карловичтің үлесіне түскен. Ол халықтар мәденіиетінің туыстығы мен біртұтастығын дәріптеген. Герольд Карлович жастайын-ақ қазақ тілінің байлығы мен алуан түрлілігін таныған. Студенттік шағында сүйікті тақырыптарының бірі ертеден-ақ орасан зор образдары шабыттандырған сүйікті ақындары - Гёте, Абай, Лермонтов - "генилердің рухани туыстығын" ұйқастыру еді. Рухтың ұйқасымы. Таланттың ұйқасымы. Әр түрлі тілдің біртұтастығы. Бұның бәрі Герольд Карлович үшін басты шығармашылық ұстаным болған "Гёте-Абай" көлемді эссесінде көрсетілген. Герольд Карлович үш тілдің, үш ірі және көне мәдениеттің өмірлік қуатын игеріп, өз туындыларында үш халыққа деген құрметін көрсете білген.
Іс-шара соңында директор Жанар Серкешқызы конференция қатысуыларына сертификаттар берді. Бұл кездесу қатысушылардың жанында ұмытылмас із қалдырды. Герольд Карловичтің шығармашылығымен алғаш рет танысқан жандар оның кітаптарына, неміс, қазақ, орыс сөз құрылымы, осы ұлттардың мәдениеті мен ділін біріктіре білген бай, мәнерлі және қайталанбас тіліне қызығушылық танытатын да шығар.