Соңғы кезде бірде-бір жаңалық шығарылымы мына көкейтесті тақырыпқа арналмаған емес. Қазіргі таңда діни экстремизм - әлемдік өркениеттің ең қауіпті қауіп-қатерлерінің бірі. Көбінесе радикалды топтардың ауанына дүниеге деген көзқарасы қалыптаспаған жастар ереді. Осыған орай университетіміздің студенттеріне діни экстремизм тақырыбында профилактикалық дәрістер циклі оқылды.
"НҰР" қалалық мешітінің бас имамы Әбілхан қажы Жапышев пен СҚО Дін істері басқарамасының ақпараттық-насихаттау жұмысы жөніндегі бөлімінің жетекшісі Нұрисләм Габдуллин "Жастар ортасында діни экстремизмнің алдын алу" тақырыбында студенттер жиналған аудиторияда баяндамаларын жасады. Олар тыңдармандарға басты идея "Ислам мен терроризм арасында ешқандай өзара байланыс жоқ екенін" жеткізгілері келді.
"Бүгінде жас ұрпақтың көптеген өкілдері ислам дінін уағыздайды. Алайда ислам дінін бұқара арасында дұрыс уағыздамайтын радикалдық бірлестіктер тарапынан шынайы қауіп бар. Сондықтан біз жастарды абай болуға және мұндай ағымдардың әсеріне берілмеулеріне шақырамыз. Ислам туралы бар қажетті білімді мешітте және дініміздің нағыз қызметкерлерінен алу қажет", - дейді Әбілхан қажы.
СҚО Дін істері басқарамасының ақпараттық-насихаттау жұмысы жөніндегі бөлімі тұрғындармен діни экстремизмнің алдын алу бойынша тұрақты түрде жұмыстар жүргізеді. 2015 жылдың қыркүйек айынан бастап қаламыздың барлық мектептерінде түсіндіру жұмыстары жүргізілді. Солтүстік Қазақстан мемлекеттік университетінде үлкен жұмыс басталды. Барлығы студенттермен 30 шамасында кездесу жоспарланған. Барлық бұл іс-шаралар экстремизммен күресуде айтарлықтай әсер тигізеді.
Жастар арасында радикалдық діни ағымдардың қаупі туралы және осы ағымдарды жақтаушылардың аянышты зардабы туралы түсіндірме жұмыс - экстремизмге қарсы жұмыстың басты міндеттерінің бірі. Профилактикалық әңгімелесу діни сауатсыздықты жояды және жастарды астарлы діни идеологиялардан сақтандырады. Университетіміздің студенті Гүлнұр Жорабаева кездесуден алған өз әсерімен бөлісті: "Бүгін мен көп мағлұмат алдым. Бұрын экстремистік топтар туралы естімеген едім, алайда шынайы діндар адамды өз зұлымдықтарын дінмен жасыратын тұлғалардан қалай айыру керек екенін білмедім. Меніңше өзіңді радикалдық ағымдардың ықпалынан сақтау үшін жастар кез келген экстремизмнің көріністерін әшкерелеу үшін өте қырағы және хабардар болуы тиіс".
Университетімізде ақпараттық-насихаттау тобының жұмысы 19 ақпанға дейін жалғасады.