Университетіміздің студенттері алғаш рет атаулы корпоративтік шәкіртақылар иегерлері атана алады. "Энергетика және радиоэлектроника" кафедрасында мұндай мүмкіндікті студенттерге "СЕВКАЗЭНЕРГО" акционерлік қоғамы ұсынады.
М. Қозыбаев атындағы Солтүстік Қазақстан мемлекеттік университеті және "СЕВКАЗЭНЕРГО" АҚ өткен жылдың соңында әлеуметтік серіктестік туралы келісімшарт жасады. Өңірімізді энергиямен қамтамасыз етуетін басты кәсіпорын өз кадрлық резервіне болашақ жоғары білімді мамандарды жұмылдыру бойынша белсенді түрде жұмыс жүргізуде. Атаулы шәкіртақы, ақысы төленетін өндірістік тәжірибе және жазғы демалыс уақытында жұмысқа орналасу, міне, осы жағдайды ғылыми жұмыстар байқауының жеңімпаздарына "СЕВКАЗЭНЕРГО" кәсіпорны ұсынады. Бұған кәсіпорынға бейінді мамандықтардың 3-4 курс студенттері қатыса алады.
"СЕВКАЗЭНЕРГО" жас мамандарды қолдау бағдарламасы бойынша атаулы шәкіртақы көлемін 10 айлық есептік көрсеткіш мөлшерінде қарастыруда. Шәкіртақы ай сайын бір академиялық жыл бойы төленетін болады. Сонымен, бар кезең бойы компания бір шәкіртақы иегеріне 212 100 теңге төлейді. Ал тәжірибенің ай сайынғы төлем мөлшері минималды жалақы мөлшеріне тең болады, яғни 22 859 теңге.
"СЕВКАЗЭНЕРГО" өз жұмысы басталған сәттен бастап өзін сенімді әрі төлем мүмкіндігі бар жұмыс беруші ретінде көрсетті. Қазіргі таңда компанияда 2000-нан астам адам қызмет етеді. Жыл сайын оның қызметкерлер құрамын университетіміздің түлектері де толықтырып отырады. Әлеуметтік серіктестік туралы келісімшарт "СЕВКАЗЭНЕРГО-ның" кадрлық құрамын сапалы түрде жақсартады. 2016 жылдан бастап оның құрамына тек мықты әрі перспективті жас мамандар ғана кіре алады.