Қыздардың сұлулық байқаулары үйреншікті болып кетті, ал енді ұлдардың арасында мұндай сайыстар сирек кездеседі. «Жігіт сұлтаны» байқауы оқу ордамызда бесінші рет өткізіліп отыр. Бұл байқауда барлық факультеттің жігіттері шығармашылық, тапқырлық, көшбасшылық қасиеттерін көрсетеді. Биыл байқауға 19 жігіт қатысты. Олар өздерінің бар қабілеттерін көрсетті. Басқа байқаулар секілді «Жігіт сұлтаны» байқауы да жыл сайын жетіле түсіп, оған қатысқысы келетін студенттердің саны арта түседі.
Ең үздік қатысушыны таңдау құқығы өз ісінің шеберлері болып табылатын қазылар алқасының мүшелеріне ұсынылды. Ксения Родионова мамандығы бойынша қоюшы режиссёр. Ол жігіттер байқауда әртістік пен әзіл-сықақ та қосарлана жүру керек деп санайды.
Байқауға қатысушы Дмитрий Борисов үшін бұл - саханаға алғаш шығу сәті. Оның айтуынша, ол сахнаға шығуға бар жауапкершілікпен дайындалған, себебі бәсекелес жігіттер мықты әрі бәрін де жүз пайызға орындау қажет.
Байқаудың бірінші кезеңінде жігіттер Қазақстан Тәуелсіздігінің мерейтойлық жылына арналған визиттік карточкаларын ұсынды. Мұнда жігіттер Отанға деген сүйіспеншіліктерін білдірді.
«Махаббат симфониясы» деп аталған екінші кезең Ғашықтар күніне арналған әсерлі флешмобтан басталды. Аталмыш байқау шеңберінде жігіттер сұлу қыздарын сахнаға алып шығып, олармен бірге түрлі мүсіндерді көрсетті.
Байқаудың соңғы кезеңі әдеттегідей шығармашылық кезең болды. Байқауға қатысушылар ән салып, би билеп, музыкалық аспаптарда ойнап өз өнерлерін көрсетті. Көрермендер болса өздерінің алғыстарын соққан шапалақтарымен білдірді.
Дегенменде, байқаудың аты байқау. Қазылар алқасының бағалауынсыз болмады. Олардың шешімі мәңгі секілді болды. Алайда, жеңімпаздардың есімдері аталды. Әрбір қатысушы құнды қасиеттері бойынша бағаланып, барлығына дипломдар мен бағалы сыйлықтар тарту етілді. Аталымдар бойынша жеңімпаздар тізімі былайша үлестірілді: «Парасатты жігіт» – Шухрат Машур, «Көрермендер көзайымы сыйлығы» - Бақсұлтан Сейтжан, «Ең әзілкеш» - Байдыбек Ақынов, «Супермен» - Азат Құспанов, «Рыцарь» - Сергей Буйнов. Ал, байқаудың басты жеңісі «Жігіт сұлтаны-2016» атағы Тарих, экономика және құқық факультетінің студенті Баққонды Адамовқа берілді.