Оқ уордамызда "Жаратылыстану және ауылшаруашылық ғылымдары саласындағы білім мен ғылымның өзекті мәселелері" атты IV халықаралық ғылыми-тәжірибелік конференция өтті. Биыл бұл конференцияда 150-ден астам автордың 90-ға жуық ғылыми жұмысы ұсынылды. Дәстүрлі іс-шараға айналған конференцияға жыл сайын ғылыми жұртшылық тартылуыда. Осы жолы оған көрші Омбы және Түмен облыстарының ғалымдары, сондай-ақ, қазақстандық ғылыми институттардың өкілдері қатысты. Бүгінгі таңда қызықты да танымал тақырыптар қатысушылардың жаңалықтары мен нақты ұсыныстарын бір күшке біріктірді. Ондай тақырыптар: ғылымның агроөнеркәсіптік кешенде даму жетістіктері мен болашағы, экологиялық-географиялық зерттеулер, физико-химиялық аспектілер және де жоғары оқу орнында және мектепте оқыту үдерісін оңтайландыру.
«Аграрлық сектор – бұл Қазақстанның болашақта экономикасы өсуінің негізгі орны, — деп өз сөзінде университет ректоры Оңдасын Әшімов атап өтті. — 2013 жылы университетте ауыл шаруашылығы бағыты мамандықтарының тізімі ұлғайды: азық-түлік өнімдерінің технологиясы, мал шаруашылығы өнімдерін өндіру технологиясы. Ғалымдарымыз жаңа агротехникалық технологияларды әзірлеп, енгізді, ауыл шаруашылығы өсімдіктерінің жаңа сұрыптары бейімделді, өсімдік шаруашылығы өнімдерін сақтау жолдарын жетілдірді».
Конференция қатысушылары алдында Солтүстік Қазақстан облысы әкімінің орынбасары Мұхтар Манкеев алғы сөз сөйледі. Оның баяндамасында өндіріске ғылыми әзірлемелерді енгізу үдерісіне көңіл бөлінген. Жыл сайын өңірімізде мұндай симбиоз мысалдары көбеюде.
Пленарлық отырыс салтанатты түрде дипломдармен марапаттаумен аяқталды. университетіміздің студенттері мен магистранттары Білім және ғылым министрлігінің ғылыми жұмыстар байқауының жеңімпаздары атанды.
Аталмыш конференцияны өткізу нәтижесі ретінде ең өзекті әрі тиімді ғылыми әзірлемелерді тәжірибеде қолданып, оларды өндіріске енгізу екенін атап кеткен жөн. Негізінен ол - экологиялық бағыттағы жобалар, топырақ құнарлығын қалпына келтіру, су мен ауыл шаруашылығы өнімдерінің сапасын жақсарту бойынша жобалар.