Облыстық "Алуан жүзді Қазақстаным" атты фотобайқауының қорытындысы жасалды

2016 жылғы 25 ақпанда М. Қозыбаев атындағы СҚМУ-да облыстық "Алуан жүзді Қазақстаным" атты фотобайқауының қорытындысы жасалды.

Байқау ұйымдастырушысы - М. Қозыбаев атындағы Солтүстік Қазақстан мемлекеттік университетінің Қазақстан халқы Ассамблеясы кафедрасы.

Байқау этноконфессиялық толеранттылық пен "Мәңгілік Елдің" басқа да негізгі құндылықтарын тәрбиелеу негізінде қазақстандық ұқсастықты нығайту, жастардың көңілін этноконфессиялық келісімнің қазақстандық моделінің ерекшеліктеріне аудару және фотоөнері арқылы жастар ортасында этноконфессиялық қарым-қатынасты жетілдіру мақсатында өткізілді.

Байқау өз алдына оқушы жастардың дарынды өкілдерін айқындау және олардың фотоөнері саласындағы шығармашылық жетістіктерін насихаттау міндеттерін қойды.

Байқауға Петропавл қаласы мен Солтүстік Қазақстан облысының білім жүйесі мекемелерінде білім алатын жастар (М. Қозыбаев атындағы СҚМУ студенттері мен мектеп оқушылары) қатысты.

Облыстық "Алуан жүзді Қазақстаным" фотобайқауының қазылар алқасы құрамына "М. Қозыбаев атындағы СҚМУ-дың "Қазақстан халқы Ассамблеясы" және "Құрылыс және дизайн" кафедраларының қызметкерлері кірді. Байқауды бірлесе ұйымдастырушы - "Нұр Отан" партиясының "Болашақ" филиалы.

Қазылар алқасына 24 қатысушының 45 фотожұмысы ұсынылды.

Қазылар алқасының мүшелері жұмыстарды қарап, төмендегі қатысушыларды дипломдармен марапаттады:

• 1 орын - Вагнер Артур, Петропавл қ. №13 ОМ оқушысы;
• II орын - Қайырбай Қайыркен, М. Қозыбаев атындағы СҚМУ студенті және Умарова Регина, Петропавл қ. Бірінші гимназиясының оқушысы;  
• III орын - Шалабаева Камила, С. Шаймерденов атындағы Қалалық классикалық гимназия оқушысы, Покатило Алина және Шевченко Варвара, Бірінші гимназия оқушылары.