2016 жылғы 29 ақпандаМ. Қозыбаев атындағы Солтүстік Қазақстан мемлекеттік университетінде студенттер арасында Алғыс айту күнінен орай өткізілген "Менің отбасымның тарихы - менің елімнің тарихы" атты эссе байқауының қорытындысы жасалды.
Байқауды ұйымдастырушы - М.Қозыбаев атындағы Солтүстік Қазақстан мемлекеттік университетінің Қазақстан халқы Ассамблеясы кафедрасы. Ал эссе байқауын бірлесе ұйымдастырған - СҚО Дін істері басқармасының "Конфессияаралық қатынастарды талдау және дамыту орталығы" КММ Талдау және әлеуметтік зерттеулер бөлімі.
Байқау жастарда Қазақстан халқы тағдырының ортақтығы түсінігін қалыптастыру, сенім, құрметтеу, игілікті бола білу және өз алғысын білдіре алу секілді адамгершілік құндылықтарына баулу арқылы жастардың рухани әлемін жетілдіру арқылы ұлттық бірлікті сақтау және нығайту мақсатында өткізілді.
Байқау жастардың бойында елінің салт-дәстүріне, өткені мен бүгінгісіне қатысы болу сезімін дамытуды өз алдына міндет қылды.
Байқауға М. Қозыбаев атындағы Солтүстік Қазақстан мемлекеттік университетінде жүзеге асырылатын түрлі мамандықтардың 1-3 курс студенттері қатысты.
Алғыс айту күінен орай ұйымдастырылған "Менің отбасымның тарихы - менің елімнің тарихы" атты эссе байқауының қазылар алқасының құрамына М. Қозыбаев атындағы СҚМУ-дың "Қазақстан халқы Ассамблеясы", "Тарих және әлеуметтік-гуманитарлық пәндер" және "Қазақ тілі" кафедраларының қызметкерлері кірді.
Қазылар алқасына 21 эссе ұсынылды, оның 9-ы мемлекеттік тілде болса, ал 12-сі - орыс тілінде.
Қазылар алқасы қатысушылардың жұмыстарын қарап, төмендегідей марапаттады:
"Менің отбасымның тарихы - менің елімнің тарихы" атты эссе байқауының ұйымдастырушылары байқау жұмысын жазу және дайындау студенттерді өз өлкесінің және өз отбасының тарихын тереңдете оқуға, генеалогия және өлкетану бойынша білімдерін кеңейтуге тартуға көмектесті және студенттердің осы салада өздік зерттеу қызметін дамытуға ынталандырды деп үміттенеді.