Тарихы тереңде жатқан 8 наурыз халықаралық әйелдер күні университетімізде жыл сайын аталып өтіледі. Нәзік жандыларымыз асыға күтетін мерекеде бұрымдыларымыз ер азаматтардың ерекше құрметіне бөленеді. Оған дәлел оқу аталған мерекеге орай салтанатты жиынның өткізілу. Әдеттегідей университетіміздің ректоры Оңдасын Әшімов жоғарғы оқу орнымыздың нәзік жандыларын 8 наурыз халықаралық әйелдер күнімен құттықтап, жылы лебізін білдірді.
Сондан кейін еңбегімен ерекшеленіп жүрген бірқатар бұрымдылар құрметке бөленді. 15 нәзік жандымыз алтын медальға ие болды.
Бұл күні грамоталар да өз иелерін тапты. Бұндай қошеметке бөленгендердің қатары көп болды. Университетіміздің қызметкерлері мен қатар студенттер де грамотаға ие болды. Және ректормен естелік суретке түсті.
8 наурыз халықаралық әйелдер күні қарсаңында өткен салтанатты жиында университетіміздің 64 бұрымдысы ерекше құрметке бөленді. Гүлдей құлпырып отырған нәзік жандыларымызға арналған шара концерттік бағдарламамен жалғасын тапты.
