Манаш Қозыбаев атындағы Солтүстік Қазақстан мемлекеттік университеті және "Даму" кәсіпкерлікті дамыту қоры" АҚ Ынтымақтастық туралы меморандумға қол қойды. Бұдан былай консалтинг компанияларының мамандары оқу ордамыздың студенттеріне арнап тегін бизнес-тренингтер өткізетін болады.
"Студент жастар арасында кәсіпкерлік бастамаларды қолдау" 4-10 наурыз аралығында оқу ордамызда өткен бірінші тренингтің тақырыбы осындай болды. 20 студент бизнесті қалай жүргізіп, жоспарлау керектігі туралы базалық білім алды.
Тренингте бизнесті тіркеу, маркетинг, қаржыны жоспарлау, қызметкерлер құрамын басқару, стартаптарға арналған қауіп-қатерлер, кәсіпкер психологиясы секілді сұрақтар қарастырылады.
Барлық курс аяқталған соң тренингке қатысушылар Даму қорына өз бизнес-жобаларын ұсынады. Наурыз айының соңында 4 үздік идея іріктеледі, ал олардың авторлары онлайн режимінде алматылық компания жүргізетін келесі оқудан өте алады.
Оқу ордамызда бизнес-тренингтер оқу жылы бойы, тоқсан сайын өткізілетін болады. Келесі тренинг 7 сәуірде басталады. Барлық қатысушыларға "ДАМУ" қорының сертификаты беріледі.