Биыл Қазақстан Семей ядролық полигоны жабылуының 25 жылдығын атап өтеді. 10 наурыз күні университет студенттері аталмыш жайтқа орай ұйымдастырылған Респбликалық "Әлем эстафетасы - жастарға!" жастар антиядролық онлайн форумына қатысты. Барлық жоғары оқу орындарының студенттері алдында "Невада-Семей" ұлттық антиядролық қозғалысының көшбасшысы Олжас Сүйлейменов сөз сөйледі.
Семей ядролық сынау полигоны Қазақстан аумағында 1949-1989 жылдары аралығында жұмыс істеді. 40 жыл ішінде мұнда 500-ге жуық ядролық қару сыналды. 1991 жылғы 29 тамызда Нұрсұлтан Назарбаевтың жарлығымен Семей ядролық полигоны ресми түрде жабылды. Ал оның негізінде 1992 жылы Елбасының шешімімен Ұлттық ядролық орталық құрылды.