Облысымызда "Серпін-2050" бағдарламасы бойынша білім алатын студенттер "Серпін Аламаны" атағына күресуді жалғастыруда. Фестивальдің кезекті аймақтық кезеңі тоғызқұмалақ пен үстел теннисі жарыстарынан басталды. Ойын қатысушылары болып университетімізде және облыс колледждерінде өткізілген фестивальдің бірінші кезеңінің жеңімпаздары атанды.
Аймақтық "Аламан" фестивалі шеңберіндегі "Шынықсаң, шымыр боласың!" спартакиадасы қазақ ұлттық тоғызқұмалақ ойынынан басталды. Бұл ойын - Қазақстанның оңтүстік аймағынан келген жастар арасында өте танымал, сондықтан ұсынылған 6 спорт түрі арасында бұл ойында өз өнерін көрсеткісі келген ойыншылар саны аз болмады.
Фестивальдің келесі ойыны үстел теннисі болды. Бұл спорт түрінде тоғызқұмалаққа қарағанда ойыншылар логикаға емес, керісінше, ептілік пен іс-әрекетке сүйенеді.
Тоғызқұмалақ бойынша командалық біріншілікте үздік нәтиже көрсеткен: қыздар арасында - тарих, экономика және құқық факультеті, ұлдар арасында - жаратылыстану ғылымдары және спорт факультеті командасы. Үстел теннисінің қорытындысына келетін болсақ, жаратылыстану ғылымдары және спорт факультетінің студенттері 1 және 2 орындарды темір жол және кәсіби-педагогикалық колледждің оқушыларына беріп, 3 орынға ие болды. Өз жеңімпаздарын әлі 4 спорт түрі күтуде: жүзу, баскетбол, волейбол және мини-футбол.
Спартакиада жеңімпаздары құрама команда құрамына кіріп, Республикалық фестиваль кезеңіне Солтүстік Қазақстан облысының намысын қорғауға барады.
