2016 жылғы 19-20 сәуірде Қ. Жұбанов атындағы Ақтөбе аймақтық мемлекеттік университетінде География пәні бойынша VIII Республикалық студенттік пәндік олимпиада өтті. Олимпиада дәстүр бойынша Халықаралық Жер күні қарсаңында өткізіледі және еліміздің ең үздік деген географ-студенттерін айқындауға үндейді.
Бұл жолы олимпиадаға Қазақстан Республикасының барлық аймақтарының 18 жоғары оқу орнынан 19 команда қатысты.
Олимпиада екі кезеңнен тұрды. Бірінші кезең орташа және күрделі деңгейлі тест тапсырмаларынан тұрды, яғни, сирек кездесетін географиялық ұғымдар мен терминдерді анықтау. Екінші кезеңде Қазақстанның табиғатын зерттеушілердің бағыттарын суреттеуде картографиялық іскерлік пен дағдыларды көрсету, заманауи әлемнің геосаяси және әлеуметтік-экономикалық құбылыстар мен үдерістердің сипаттамасы бойынша тапсырмалар орындау қажет болды.
Төртінші жыл қатарынан өткен жылы осы атаулы сайыстың жекелей біріншілік бойынша жеңімпаз атанған, Г(о)-12 тобының студенттерінен (Какиева Альбина және Никифоров Назим) құралған университетіміздің командасы І орынға ие болды.
Жыл сайын географиялық ағашта геоэкология, география, туризм және т.б. секілді түрлі ортақ мәндес пәндер мен қолданбалы әзірлемелер түрінде жаңа "бұтақтар" мен "жапырақтар" пайда болады. Бұлар география туралы дәстүрлі ұғымды түбегейлі жаңа деңгейге шығарып, сипаттамалық ғылым туралы секілді айтарлықтай кеңейтеді, деп санайды команда жетекшісі, "Георафия және экология" кафедрасының доценті Сергей Пашков.
Пәндік олимпиада өз қатысушыларына таңдаған мамандықтарының дағдыларын тәжірибе жүзінде шыңдауға мүмкіндік туғызды. География пәні бойынша VIII Республикалық пәндік олимпиада қорытындысы М. Қозыбаев атындағы СҚМУ қабырғасынан түлеп ұшқан географ-мамандардың құзыреттерінің қалыптасу және даму деңгейінің жоғары екендігін көрсетті.
