Зайырлы Қазақстанның өмірінде исламның рөлі қандай? Тұрғындардың 80%-ы мұсылмандар болған жағдайда, дін мен мемлекет арасындағы қатынасты қалай теңгеру қажет? Бұл сұрақтарға "Ислам және зайырлы мемлекет" атты аймақтық ғылыми-тәжірибелік конференцияда жауап берілді.
Зайырлы қоғам шеңберінде ислам құндылықтарын тарату, ақпараттық-түсіндірме жұмысында жаңа тәсілдер ойлап табу, дін мен мемлекет арасындағы үндестікті дамыту секілді сауалдарды Қазақстан мұсылмандары діни басқармасының өкілдері, Дін істері комитеті, діни жұртшылық, Солтүстік Қазақстан облысының саяси және қоғам қайраткерлері талқылады.
Бүгін Қазақстан мұсылмандары діни басқармасының алдында көптеген міндеттер тұр. Олардың бірі - тұрғындардың діни сауаттылығын арттыру.
Діни ағымның 2 тобы құрылған. Бірінші топқа еліміздің 32 ықпалды ислам зерттеушілері кірсе, екінші топ құрамында - Қазақстанның барлық аймағында түсіндірме жұмыстарын жүргізіп жүрген 295 адам.
Университетіміздің студенттері мұндай іс-шараға алғаш рет қатысып тұрған жоқ. Жастар арасында тұрақты түрде діни экстремизмнің алдын алу және ұлтаралық келісімді сақтау бойынша жұмыстар жүргізілуде.