Осы аптада оқу ордамызда техника ғылымдарының докторы, профессор, Солтүстік Қазақстанда инженерлік білімнің негізін қалаушы Қайырбек Оразұлы Оразовтың құрметіне мемориалдық тақтаның салтанатты ашылу рәсімі өтті.
Салтанатты рәсімге облыс және қала басшылары, оның туысқандары, достары, әріптестері және студенттер жиналды. Алғы сөз облыс әкімі, Қайырбек Оразовтың досы Ерік Сұлтановқа берілді.
Белгілі ғалымның жоғары мектептің дамуына қосқан үлесі баға жетпес. Бауман училищесінің болашақ түлегі Қайырбек Оразұлы жерлестері толыққанды сапалы білім, ал өңір кәсіби жергілікті кадрлар алу үшін бар күшін салды. Оның барлық ұмтылысының қолдаушысы әрі тірегі оның жұбайы Сапура Сұлтанқызы Оразова еді.
Мемориалдық тақта университетіміздің 5 ғимаратында орналастырылды. Дәл осы ғимаратта Қайырбек Оразұлының еңбек жолы өткен.
Қайырбек Оразұлы туған Петропавл қаласында 15 жыл жұмыс істеген. Осы уақыт ішінде инженерлік кадрлар саңлақтарының тобын даярлаған. Олардың көбі өз білімдерін кейінгі ұрпаққа беруді жалғастыруда.
Салтанатты рәсімде Қайырбек Оразов туралы жақсы сөздер мен естеліктер айтылды. Тіпті ғалыммен таныс емес жандар да оның күш-қуаты мен маңыздылығын сезе білді.
Мемориалдық тақтаның ашылу салтанаты Қайырбек Оразовтың туған күнінде 29 сәуірде өтті. Биыл Қайырбек Оразұлы 70 жасқа толар еді.
