Оқу ордамызда әскери кафедра Ұлы Жеңістің жетпіс бір жылдығы мен Қазақстан Республикасы Қарулы Күштері құрылуының 24 жылдығына орай мерекелік шеру өткізді.
Шерудің басты қонақтары, әрине, тыл және еңбек ардагерлері болды. Мерекелік шеруді университет ректоры Оңдасын Бәйкенұлы Әшімов ашты. Ол тыл және еңбек ардагерлеріне ерліктері үшін алғысын білдірді.
Бүгінде Отанды қорғау міндетін атқаруға СҚМУ әскери кафедрасының курсанттары дайын. Олардың қатарында 28 қыз оқиды. Әскери кафедра 18 жыл ішінде 2 мыңнан артық запастағы офицерлер мен сержанттарды дайындап шығарды.
Курсанттардың саптың әндері мереке қонақтарының шығармашылық нөмірлерімен жалғасын тапты. Халық әні атанып кеткен "Әлия" әнін "Музыка пәндері" кафедрасының қыздар квартеті орындады.
6637 әскери бөлімінің солдаттары үлгі әскери өнерлерін көрсетті.
Бұның бәрі - біздің бейбіт өмірге және ашық аспанымызға деген ризашылығымыздың тек бір кішкене ғана бөлігі. Бұл ұлы мереке Отанымызды қорғаушылардың ерліктерін тағы бір мәрте еске түсірді!
