Университет түлектерін жұмысқа орналастырудың негізгі үлгілері: тәжірибе қорытындысы бойынша жұмысқа орналасу, студенттерді бос қызмет орындары негізінде орналастыру, студенттердің өздігінен жұмысқа орналасуы, "түлектер жәрмеңкесінің" көмегімен жұмысқа орналастыру.
2016 жылғы 13 мамырда М. Қозыбаев атындағы Солтүстік Қазақстан мемлекеттік университетінде дәстүр бойынша жыл сайынғы "Түлек-2016" бос қызмет орындарының жәрмеңкесі өтті. Бұл іс-шараны өткізу мақсаты - "ЖОО түлегі - жұмыс беруші" өзара әрекет етуді оңтайландыру.
Жәрмеңкеге Петропавл қаласы мен СҚО кәсіпорындарының, мекемелері мен ұйымдарының 46 өкілі қатысты. Олардың арасында "ПАМЗ" АҚ, "С.М.Киров атындағы зауыт" АҚ, "СЕВКАЗЭНЕРГО" АҚ, "Барс-Nord" ЖШС, "БанкЦентрКредит" АҚ, "Мұнаймаш" АҚ, "Атамекен-АГРО" АҚ, "Молсоюз" ЖШС, СҚО Білім басқармасы, Петропавл қ. Білім бөлімі, СҚО Ішкі істер департаменті, СҚО бойынша соттар әкімшілігі, СҚО бойынша ҚР мемлекеттік қызмет істері жөніндегі минситрлік департаментінің Мемлекеттік қызмет басқармасы, СҚО жұмыспен қамтуды үйлестіру және әлеуметтік бағдарламалар басқармасы, Ауыл шаруашылығы басқармасы, Кәсіпкерлер палатасы, "Жастар бастамасы орталығы", Ішкі саясат басқарамасы болды.
Бос қызмет орындарының жәрмеңкесі алдында форум өтті. Форумды М. Қозыбаев атындағы СҚМУ ректоры О.Б.Әшімов ашты. Ол жұмысқа орналасу сұрақтары бойынша ЖОО қызметінің басты бағыттары туралы айтып, жәрмеңкеге қатысқан жұмыс берушілерге жас мамандарға кадрлық қажеттіліктің жүзеге асырылуын, түлектерге мамандықтары бойынша болашақ қызмет орындарының анықталуын тіледі. Форумда келесі тұлғалар баяндама жасады: СҚО бойынша ҚР мемлекеттік қызмет істері жөніндегі минситрлік департаментінің Мемлекеттік қызмет басқармасының басшысы Степаненко Е.Ф., СҚО ІІД Кадр қызметі басқармасы басшысының орынбасары Леонтьев Д.Н., Тарих, экономика және құқық факультеті, "Құқық және экономика негіздері" мамандығының түлегі, Қазақстан Республикасы Тұңғыш Президенті - Елбасы Қоры шәкіртақысының иегері Старостина Е.С., жаратылыстану ғылымдары және спорт факультеті, "Агрономия" мамандығының түлегі, Қазақстан Республикасы Тұңғыш Президенті - Елбасы Қоры шәкіртақысының иегері Турсунбаев С. Ж., сазды-педагогикалық факультет, "Музыкалық білім" мамандығының түлегі, К. Скрябин атындағы шәкіртақының иегері Батуринец Д.С., Тіл және әдебиет институты, "Қазақ тілі мен әдебиеті" мамандығының түлегі, М. Жұмабаев атындағы шәкіртақы иегері Қадырменова А.С.
Форум №1 корпус фойесінде бос қызмет орындарының жәрмеңкесімен жалғасты. Жұмыс берушілер компаниялардың, кәсіпорындар мен ұйымдардың презентацияларын көрсетті. Презентация көрсету барысында кәсіпорындар мен ұйымдардың мақсаттары, міндеттері, атқаратын қызметтері, ұйымдастырушылық құрылым, бос қызмет орындары және т.б. таныстырылды, фойеге ұйымдардың банерлері қойылды, түлектерге буклет, брошюра түрінде таратпа материал берілді, түлектердің жұмыс берушілермен әңгімелесу және жұмыс орындары мен лауазымдарын анықтау мүмкіндіктері болды.
Жұмыс берушілерге ағымдағы жылдың түлектерінің жетістіктері мен түлек шығарушы мамандықтар туралы ақпараты бар стенд дайындалды. ұйымдардың, кәсіпорындардың, мекемелердің өкілдері сауалнамаға қатысты. Сауалнама талап етілетін бос қызмет орындары бойынша сұрақтарға жауап берумен қатар, аталмыш іс-шараның өткізілуін жетілдіру бойынша ұсыныстар жасауды қамтыды. Жәрмеңке "Первый Северный", "Қазақстан-Петропавл", "Парасат" телеарналары, "Северный Казахстан" және "Солтүстік Қазақстан" газеттері секілді БАҚ-та кеңінен танылды.
Жәрмеңке қорытындысы бойынша "Мектепке дейінгі оқыту және тәрбиелеу", "Дефектология", "Психология", "Математика", "Агрономия", "Дизайн", "Машина жасау", "Аспап жасау", "Химия" секілді мамандықтардың түлектерінің 100%-ы жұмысқа орналасты.