Биыл жоғары оқу орнымызда "Қазақ журналистикасы" мамандығының ашылуына 15 толып отыр. Бұл күн тек СҚМУ шежіресінде ғана емес, сонымен қатар Солтүстік Қазақстанның бұқаралық ақпараттар құралдарының тарихында атаулы күн болып табылады. Оқу ордамызда бұл іс-шара "Аймақта журналистерді даярлаудың өзекті мәселелері" тақырыбында ғылыми-тәжірибелік конференцияның өткізілуімен атап өтілді. Конференция пікірмен, тәжірибемен алмасудың, барлығы қалай бастау алғанын еске түсірудің тамаша себебі болды.
"2001 жылы университетімізде қазақ журналистикасы бөлімінің ашылуы Солтүстік Қазақстанның бұқаралық ақпараттар құралдары тарихына енгені сөзсіз. Тәуелсіздігімізді алған соң, БАҚ қоғамда өз орнын қоя білді, оған деген сенімділік артты. Сондықтан журналистерді даярлаған кезде кәсіби біліммен қатар оларға әрбір жазылған сөз үшін жауапты бола білуге үйретеміз. Тәуелсіздік игілігі үшін жұмыс істеу - журналистердің басты міндеті", - дейді профессор Зарқын Тайшыбай.
Журналистерді құттықтауға жергілікті басқармалардың, Ішкі Істер Департаментінің өкілдері, аймақтық БАҚ жетекшілері келді.
Алғы сөз тәрбие жұмысы жөніндегі проректор Мұқарам Тайжановаға берілді: "15 жыл бұрын қазақ журналистикасы бөлімін ашу көптеген қиындықтарға тап болды. Педагогикалық кадрлардың, әдістемелік материалдың жетіспеуі. Зарқын Сыздықұлы Тайшыбай болмаса, бұның бәрі де болмас еді. Ол бар жауапкершілікті өз мойнына алып, осы мамандықтың тұрақты іргетасына айналды. Ол өзінің келешегі бар ойлау қабілеті мен идеясымен әріптестері мен тұңғыш студенттерін шабыттандыра білді".
15 жыл ішінде осы мамандықты 80-нен астам журналист тәмәмдады. Барлығы республикалық, облыстық газеттер, радио және телеарналардың редакцияларында қызмет атқарады. Бүгін олардың көбі туған жерлеріне оқытушыларымен, топтастарымен кездесуге келген. Ал "Болашақ" бағдарламасы бойынша Америкада және Еуропа елдерінде білім алып жатқан мамандар бейнежазба арқылы құттықтады.
Бүгінгі таңда "Қазақ журналистикасы" мамандығы бойынша 64 студент білім алуда. Биыл 10 түлек дипломдарын алады.