31 мамыр күнін Қазақстандықтар мыңдаған адам өмірін қиған сталиндік режим кезеңінде кінәсіз қаза болған "Саяси қуғын-сүргін құрбандарын еске алу күні" ретінде атап өтеді. Қазақ халқының ұлы, көрнекті ақын, туған жерін сүйіп, өлеңмен дәріптеген Мағжан Жұмабаевтың ескерткішіне гүл шоқтарын қою салтанатына оқу ордамыздың ұжымы мен студенттері қатысты.
1937 жылғы қуғын-сүргін… "Халық жауы" тізіміне өз елі үшін еңбектерін сіңірген зиялылар қауымының өкілдері кірді. Олардың арасында Шәкәрім Құдайбердиев, Ілияс Жансүгіров, Бнйімбет Майлин, Мағжан Жұмабаев секілді және т.б. атақты жазушылар мен ақындар болды. Олар лагерлерге қамауға алынып, ату жазасына кесілді. 31 мамыр күні Мағжан Жұмабаев ескерткіші маңына қуғын-сүргінге ұшыраған тұлғалардың туғандары, қоғамдық бірлестіктердің өкілдері сол жандарды еске алып, көрнекті ақынның ірге тасына гүл шоқтарын қою үшін жиналды.
Ірге тасқа гүл шоқтары қойылған соң бұл іс-шараға жиналғандар саяси қуғын-сүргін жылдары қаза болған тұлғаларды бір минут үнсіз еске алып, оларға тағзым етті.