Жаратылыстану ғылымдары және спорт факультетінің "Георафия", "Орман ресурстары және орман шаруашылығы" және "Агрономия" мамандықтарында білім алған студенттер осы бейсенбіде ЖОО-да 4 жыл бойы оқығандықтарын растайтын құжатқа ие болды. Диплом табыстау рәсіміне оқу ордамыздың тәрбие жұмысы жөніндегі проректоры Мүкарам Тайжанова, факультеттің деканы Ирина Голодова және оқытушылық-профессорлық құрам, бітіруші түлектермен қатар олардың туған-туыстары қатысты. Бітіруші түлектердің көбі университетіміздің магистратурасында білімін әрі қарай жалғастыруды көздеп отыр.
Бұл күн мен үшін қобалжулы әрі қуанышты күн. 4 жылды артқа тастадық. Бұл жылдар біздің есімізде ерекше естеліктерімен қалары сөзсіз. Маған сабақ берген ұстаздарыма алғысымды білдіргім келеді. Университет қабырғасында оқып жүріп, мен жұмыс істедім, сондықтан да екі қолға бір күрек табу қиынға соққан жоқ. Алдағы уақытта магистратураға оқуға түскім келеді. Себебі, біздің университетіміздің білім беру деңгейі өте жақсы, - дейді бітіруші түлек, Эльвира Магауина.
Осы уақыт аралығында университеттің профессорлық-оқытушылық құрамы бізді бәсекеге қабілетті маман иесі болып қалыптасуымызға үлкен еңбектерін сіңірді дейді түлектер. Дипломмен ауылға бағдарламасымен елді-мекеннің дамуына өз үлесін қосқысы келетін студенттер де бар.