Инженерлік-техникалық факультетінің түлектері үшін бүгін қуанышты күн. Салтанатты кешті бастаған тәрбие ісі жөніндегі проректор М.М.Тайжанова мамандық түлектері мен ата-аналарды, қонақтарды мерекелі күнмен құттықтады. «Инженерлік техникада оқу қиын екенін бәрімізде түсінеміз, техникалық бүкіл пәндерді 4 жыл бойы біздің студенттер оқып шықты. Біздің университетте оқуға жақсы жағдай жасалған. Реальды, реальды-виртуалды лабораторияларды тәжірибеден өтіп меңгеріп алды. Ертең завод және т.б. жұмысқа тұрсаңыздар біз сіздерді мақтан тұтамыз» деді өз сөзінде Мүкарам Мұрзатқызы. Осымен тоқтап қалмай магистратурада тереңдете білім алуға шақырды. Сонымен қатар профессорлық-оқытушылардың еңбектерін айта келіп, ұстаздарға еңбектеріне жеміс , ата-аналарға денсаулық тіледі.
Қызыл дипломды «Машина жасау» мамандығының 3 түлегі, «Көлік, көлік техникасы және технологиялары » мамандығының 11 түлегі, «Стандарттау, сертификаттау және метрология» мамандығының 3 түлегі, «Приборлар жасау» мамандығының 2 түлегі, «Электр энергетикасы» мамандығының 2 түлегі, «Радиотехника, электроника және телекоммуникациялар» мамандығының 2 түлегі, « Құрылыс» мамандығының 6 түлегі иеленді.
Сөз алған «Пилигрим» театрының режиссеры түлектерді дипломдарымен құттықтап жылы лебізін білдіре келіп, осы төрт жылда оқумен қатар студенттік клубта өздерін тынбай дамытып отырған белсенді де талантты студенттерді сертификатпен марапаттады.
Әр мамандық түлектері білім берген оқытушыларына алғыстарын білдіріп, ортада ән мен биден шашу тарту етті.