2016 жылдың 1 шілдесінен бастап ҚР Білім және ғылым министрлігінің бұйрығымен М. Қозыбаев атындағы СҚМУ-нің ректоры болып экономика ғылымдарының докторы, профессор Серік Мәуленұлы Өмірбаев тағайындалды.
Серік Мәуленұлы 1958 жылы 2 ақпанда Қарағанды облысы Қарқаралы ауданы орталығында дүниеге келген. Білімі жоғары, 1982 жылы қаржы және кредит мамандығы бойынша және 2005 жылы юриспруденция мамандығы бойынша Қарағанды мемлекеттік университетін, 1988 жылы Москва қаржы институтында аспирантураны аяқтаған.
Еңбек жолын 1982-1985 жылдары Қарағанды мемлекеттік университетінде қаржы кафедрасының оқытушы болып бастады. Кейін 1989-1999 жылдар аралығында осы университетте аға оқытушы, доцент, қаржы кафедрасының меңгерушісі, экономика факультетінің деканы қызметтерін атқарған.
- 1999 жылғы маусым мен желтоқсан айлары аралығында Қазақстан Республикасы Премьер-Министрі Кеңсесінің экономика бөлімінің консультанты,
- 1999-2001 жылдары Қазақстан Республикасы Білім және ғылым министрлігінің Жоғары және жоғары оқу орнынан кейінгі білім департаментінің бөлім бастығы, басқарма бастығы, директор орынбасары, директоры,
- 2001-2003 жылдары Л.Н.Гумилев атындағы Еуразия ұлттық университетінің оқу жұмысы жөніндегі проректоры,
- 2003-2007 жылдары Мемлекеттік білім стандарттары және тестілеу ұлттық орталығының білімді мемлекеттік стандарттау басқармасының басшысы, директор орынбасары,
- 2007-2011 жылдарында Қазақстан Республикасы Білім және ғылым министрлігі Жоғары және жоғары оқу орнынан кейінгі білім департаментінің, Даму стратегиясы департаментінің директоры,
- 2011-2012 жылдары Ақтөбе мемлекеттік педагогикалық институты ректорының кеңесшісі, Маңғыстау облысы әкімдігінің «Талдау орталығы» акционерлік қоғамының басқарма төрағасының орынбасары, «Ақпараттық-талдау орталығы» акционерлік қоғамы президентінің кеңесшісі,
- 2012 жылғы ақпан айынан 2015 жылғы ақпан айына дейін С. Торайғыров атындағы Павлодар мемлекеттік университетінің ректоры,
- 2015 жылғы наурыз-тамыз айларында Білім беру сапасын қамсыздандыру тәуелсіз қазақстандық агенттігінің академиялық мәселелер бойынша директоры қызметтерін атқарған.
- 2015 жылғы тамыз айынан бастап Қазақстан Республикасы Білім және ғылым министрлігі Жоғары, жоғары оқу орнынан кейінгі білім және халықаралық ынтымақтастық департаменті директорының міндетін атқарушы болып қабылданды.
«Білім озаты» (2000), Қазақстан Республикасы Президентінің алғысы (2001), «Қазақстан Республикасының білім беру ісінің құрметті қызметкері» (2002), «Қазақстан Республикасының ғылымды дамытудағы сіңірген еңбегі үшін» (2003), Қазақстан Республикасы Президентінің алғысы (2007), Қазақстан Республикасының «Құрмет» ордені (2008) мемлекеттік және ведомстволық наградаларымен марапатталған.
