Университетімізде магистратураны аяқтап жатқан студенттерге диплом табысту рәсімі өтті. 2 жыл бойы университетіміздің қабырғасында білім алып, тәжірибе жинақтап, диссертация қорғаған жастар бүгінгі таңда магистр атағына ие болып, оны дәлелдейтін диплом да алуда. Салтанатты шараны оқу ісі жөніндегі проректор Айнагүл Мұхамеджанова өз сөзімен ашты.
Бітіруші магистрларды академиялық бас киіммен арнайы мантия өзгелерден ерекшелендіріп тұрды. Ендігі кезекте магистр атанған олар, өздерінің болашақ қызмет атқарар жерлерінде жоспарлап қойған. Біреулері ғылым мен айналысам десе, екіншілері ұстаз болып шәкірт тәрбиелеймін дейді.
Жалпы университетімізде оқитын жастарға жақсы білім алып тәжірибе алмасу үшін барлық жағдай жасалынған. Білім алушылар елімізбен қатар, өзге мемлекеттің жоғарғы оқу орындарына барып ғылыми практикадан өту мүмкіндігіне ие.
Әдеттегідей бітіруші түлектердің қуанышты сәтін бөлісуге олардың туыстары келген. Олар өз балаларының болашақта мықты маман болып, елдің дамуына өз үлесін қосса дейді.
Магистр атағын алғандардың арасында, ендігі кезекте доктарантураға түсуді жоспарлап отырғандарда баршылық. Жас магистрлерге сәттілік тілейміз!
