Білім беру сапасын қамтамасыздандыру тәуелсіз қазақстандық агенттігі (БСҚА) 12 шілде күні Қазақстанның үздік ЖОО – 2016 кезекті рейтингін ұсынды. Үш құрастырушыдан құралғандықтан БСҚА ұлттық рейтингі көпөлшемді немесе басты рейтинг болып табылады. Оның біріншісі студенттер контингенті мен құрамын, олардың оқу нәтижелерін, профессор-оқытушылық құрамының қызмет сапасын, ЖОО-ның ғылыми және инновациялық қызметін, сонымен қатар, Ғаламтордағы ақпараттық ұсынылуын қамтитын академиялық статистикалық көрсеткіштер мен өлшемдерді көрсетеді. Екінші құрастырушы ЖОО сарапшыларының алдында ЖОО-ның мәртебесін көрсетсе, үшінші жұмыс берушілер алдында ЖОО-ның мәртебесін көрсетеді.
Бұл рейтингте қолданылатын мәліметтерді «Болашақ» халықаралық бағдарламалар қоғамы» АҚ, Ұлттық тестілеу орталығы, Web of Science және Scopus ғылыми мақалалар қорлары, ҚР БҒМ-нің «Жылдың үздік оқытушысы» байқауының жыл сайынғы нәтижелері, Ұлттық ғылыми-техникалық ақпарат орталығы (Ресей, Москва қ.) және ҚР Кітап палатасы сияқты тәуелсіз дереккөздер ұсынады.
Қазақстанның үздік ЖОО Ұлттық рейтингі тізімінде еліміздің тек 52 ЖОО-ны көрсетілген. Бұл академиялық қорлар бойынша максималды баллдың 33%-дан төмен емес балл алған ЖОО-дар. Сол себепті көпсалалы ЖОО санатында тек 18 оқу орны көрсетілген.