Тамыздың 11-14 аралығында қазақстандықтар Персеид жұлдызының ағуын тамашалады. Бұл ерекше құбылыс жылына бір рет бір уақытта болады. Бұл жолғы тамыздық түнде әлем тұрғындары мықты метеориттік ағынды тамашалады. Персеид жұлдызының жауу - бұл жыл сайынғы метеорлық ағын, тамызда орын алатын құбылыс. Аталған айдың 12-13-і аралығында ағын белсенділік танытады. Бір сағаттың ішінде 150-ге жуық жарқырауды байқауға болады. Метеорлардың түсу жылдамдығы секундына 59 шақырымды құрайды. Яғни әлемдегі ең жылдам жүретін автокөліктерден жүз есе артық екені сөзсіз. Персеид жұлдыздар ағыны (астрономиялық құбылыс) жер мен Свифт-Таттл кометасының тұспа-тұс келуінің әсерінен пайда болды. Одан бөлініп шығатын мұз қиыршықтары мен шаң-тозаңның жер атмосферасында жанып кетуі жұлдызды жаңбыр болып көрінеді «Метеор жауыны» – құйрықты жұлдыздың сынықтары. Ал халық аузында «ақпа жұлдыздар» деп аталған. Бұл құбылыс жылына бір рет қайталанатындықтан оны, ашық жерде тамашалаған жөн дейді мамандар. Бұл құбылысқа қазақстандық тұрғындар күн батқан соң куә бола алды.
Біздің университетіміздің ғалымдары метеорлық ағынды арнайы телескоппен, дүрбі, электрондық-оптикалық құрылғылармен бақылады. Соңғы екеуі ұсақ құбылыстарды көруге мүмкіндік береді. Біздің ғалымдарымыз үшін бұл құбылыстың мағынасы зор. Себебі, жұлдыздар ағынын бақылаған кезде жаңа құрылғылардың қасиеттерімен жақынырақ танысуға мүмкіндік береді. Астро-физикалық ғылымдарының кандидаты доцент Андрей Солодовниктің айтуынша, 12 тамыз жалпы астрономиядағы әсерлі метеорлық күн болып есептелінеді.
