Қаламыздың әлеуметтік жағынан аз қамтылған 10 баласы мектепке әзір. Бүлдіршіндерге республикалық «Мектепке жол» акциясы аясында біздің университетіміз қайырымдылық көмек көрсетті.
Жоғарғы оқу орнында бастау алған игі шараға 250 мың қаражат жұмсалынды. Жаңа оқу жылына санаулы күндер қалды. Мектепке балаларын әзірлеуге әрбір ата-ананың шамасы жете бермейді. Әлеуметтік жағынан аз қамтылған, көпбалалы отбасыларын қолдау мақсатында осыдан бірнеше жыл бұрын елімізде «Мектепке жол» акциясы қолға алынған болатын. Осы игі шара биылғы жылы біздің университетімізде де бастау алды.
Жоғарғы оқу орнымыздың ректорының міндетін атқарушы Серік Өмірбаевтың бастамасымен 10 бірдей мектеп оқушысына кеңсе тауарлары, күзгі, қыстық, аяқ киімдер спорттық формалар, алынды. Бұл отырған бүлдіршіндердің дені мектеп табалдырығын енді аттағалы отыр. Ал Дарина биыл екінші сыныпқа барады. Оқушының қуанышында шек жоқ. Өйткені, мектепке қажетті заттардың бәрін ол өзі таңдап алған. Бұл күні көпбалалы отбасылардың бірі Латфулиналардың 4 бірдей баласы мектепке баратындықтан олардың барлығына кеңсе тауарлары табысталды. Өз кезегінде үйдің отағасы университет басшылығына алғысын білдірді. Мұндай көмеккке Сошкиндер жанұясыда ие болды. Көпбалалы отбасы мұндай көмекті алғашқы рет алып отыр екен. Сондықтан өз алғысын жеткізді.
Қайырымдылық шараны ұйымдастырушылар балалардың алдағы уақытта сабақтарын жақсы оқитындарына сенім артып отыр. Шара соңында барлығы естелік суретке түсті.
