Университетте қабылдау науқаны аяқталды. Қазіргі таңда біздің университетке түсу туралы 1400-ден астам өтініш түскен. Қабылданған өтініштер қорытындылары бойынша талапкерлер арасында ең танымал техникалық, педагогикалық және ауыл шаруашылық мамандықтары болып шықты. Бұл, ең алдымен, еңбек нарығындағы осы сала мамандарына сұраныстың жоғарлығымен байланысты.
Биыл бірінші рет ҰБТ мен ТКТ-ден өту ұпайын ала алмаған талапкерлерге қайта кешенді тестілеу өткізілді. Қайта кешенді тестілеуді біздің университетте 511 адам тапсырып, оның 414 сүрінбей өтті.
Қайта тестілеу қорытындысы бойынша белгіленген өту балын ала алмаған талапкерлердің шартты түрде күндізгі оқу түріне бірінші академиялық мерзім аяқталғанша ақылы оқу негізде ЖОО-на оқуға түсуге мүмкіндіктері бар.
Бірінші академиялық мерзім аяқталғаннан кейін бұл тұлғалар категориясы 20 қаңтардан 24 қаңтарға дейін тестілеуді қайтадан тапсырады. Тестілеуден сүрінбей өткен жағдайда өткен пәндер бойынша меңгерген кредиттерді қайта есептеумен ақылы негізде жоғарғы оқу орнына түседі.
25 тамызға дейін магистратура мен докторантураға қабылдау емтихандары өткізілді. Олар екі кезеңмен өтті. Бірінші – ағылшын тілін білу деңгейіне, екінші – бейінді емтихан. Жалпы Манаш Қозыбаев атындағы СҚМУ-не магистратурада оқуға 48, докторантурада оқуға 6 грант бөлінген.
Манаш Қозыбаев атындағы СҚМУ-не 366 мемлекеттік білім беру гранты бөлініп, оның ішінде 233-і «Серпін-2050» бағдарламасы бойынша оқуға түскен талапкерлерге бөлінген. Оңтүстік аймақтардан келген жастар университетіміздің студенттер қатарын 3 жыл бойы толықтырып келеді. Қазір олар жатақханаларға қоныстанып, жаңа оқу жылына дайындық үстінде.
Алдын ала есеп бойынша 1500 адам осы жылы университетіміздің студенттері болмақ.