Еліміздің жүздеген ғылыми жобалары іске асырылады! 2015 жылы шыққан ҚР «Ғылыми және ғылыми-техникалық қызмет нәтижелерін коммерциялау туралы» Заңы отандық ғалымдарға демеу болып, ынталарын оятты.
«Ғылыми және ғылыми-техникалық қызмет нәтижелерін коммерциялау туралы» Заңы қалай іске асырылып, қандай жобаларға грант беріледі және олар экономикаға енгізіле ме? Біздің ЖОО профессор-оқытушыларының осы және басқа да сұрақтарына «Ғылым фонды» АҚ-ның Технология коммерциялау орталығы директоры Қанат Искаков жауап берді. Дөңгелек үстел отырысында ол ғылыми зерттемелердің іріктеу кезеңдері туралы сөз сөйледі. Біріншіден, жобалар алдын ала ресми сараптамадан өткеннен кейін оларды әлеуеттің экономикалық бағалауы күтеді және қатарлас ғылыми-техникалық сараптама жүргізіледі. Ал ең маңызды кезең Ұлттық ғылыми кеңес шешімі болады.
Қазіргі таңда біздің университетте 14 ғылыми жоба коммерциялауға дайын. Коммеруциялаудың болжалды нәтижесі еліміздің инновациялық және ғылыми әлеуетін көтеру болып табылады.
