Күздің бірінші күнімен жаңа оқу жылы да басталады! Біздің университет бірінші курс студенттеріне мерекелі және салтанатты кездесу ұйымдастырды. Осы жылы олардың саны 2000-ға жуық. Мерекелік іс-шараны аша отырып, студенттерге тілек сөздерімен ректор міндетін атқарушы Серік Мәуленұлы Өмірбаев сөз сөйледі.
Сөз сөйлеу барысында Серік Мәуленұлы жаңа оқу жылындағы алда тұрған айырықша күндерді атап өтті. Біріншіден, университетіміздің 80 жылдығы. Сонымен қатар, 2016 жылы біздің ЖОО-на мүсініне гүл шоқтары қойылған көрнекті ғалым, академик Манаш Қозыбаев есімі берілгеніне 13 жыл толады.
Бірінші курс студенттерінің арасында осы мереке аса толқынысқа бөлендірген жастар болды. «Серпін-2050» бағдарламасы қатысушылары Қазақстанның оңтүстік аймақтарынан біздің ЖОО-на білім алуға келіп отыр. Олар үшін алғашқы қоңырау үйден тыс жаңа өмірдің бастауы болмақ.
Ресми бөлімнен кейін басталған концерттік бағдарлама бірінші курс студенттерін студенттік ұжымдардың шығармашылықтарымен таныстырды. Олардың саны СҚМУ-де аз емес: хореографиялық және фольклорлы ансамбльдер, 3 театр, КТК командасы.
Осы мерекенің жақсы энергетикасы мен бауыр басқан университетке деген махаббаттан күш-жігер алған СҚМУ студенттері білімнің ұзақ та қиын жолына аттанды!
