Университетіміздің қабырғасында ҚР білім беру саласының құрметті қызметкері, ардагерлер кеңесінің төрағасы Ғалиев Жақсылық Мұхажанұлының 75 жылдың мерейтойы аталып өтті. Жақсылық Мұхажанұлы 1965 жылы Петропавл мемлекеттік педагогикалық институтын «Биолгия - ауыл шаруашылығы» мамандығы және 1976 жылы Биология әдістемесі мамандығы бойынша, Абай атындағы Қазақ Ұлттық педагогикалық университетінде аспирантураны аяқтаған. 1991 – 2002 жылдары №2 қазақ мектеп интернатына директор болып тағайындалды. Бұл қызметке дейін ол аталған мектепте мұғалім, содан кейін директордың орынбасары қызметін атқарған болатын. Жақсылық Мұхажанұлы басшылық қызметке отырған соң, 1992 жылы бұрынғы мектеп интернат қазақ гимназиясы мәртебесін алған болатын. Бұл білім ошағына Жақсылық Ғалиевтің қосқан еңбегі орасан. Ұлағатты ұстаздың республикалық және халықаралық көлемдегі марапаттары, сыйақылары, атаулы шәкіртақылардың иегері.
Қазіргі таңда Жақсылық Ғалиев М. Қозыбаев атындағы Солтүстік Қазақстан мемлекеттік университетінде ұстаздық қызметін атқаруда.
Жақсылық Ғазаиев мерейтойына арналған шараны М. Қозыбаев атындағы Солтүстік Қазақстан мемлекеттік университет ректорының міндетін атқарушы Серік Мәуленұлы Өмірбаев ашып, мерейтой иесін туған күнімен құттықтап, Жақсылық Мұхажанұлының университетке сіңірген еңбегін атап өтіп, ол кісіге сыйақы тарту етіп шапан кигізді. Жалпы жиынға облыстық ардагерлер кеңесі төрағасының орынбасары А. И. Ахметова, білім беру ардагерлері В. И. Кондратова., Н. А. Скатова., А. Ғ. Молдыбаева, ҚР құрметті спорт қайраткері Ж. С. Тасеменов, сонымен қатар ардагерлер кеңесінің өкілдері және университет декандары, «Ауыл шаруашылығы» кафедрасының өкілдері және мерейтой иесінің туыстары қатысты. Жиын барысында келген қонақтар қонақтар Жақсылық Ғалиевке арнап құттықтау сөзін сөйлем, гүл шоқтарын тарту етті. Салтанатты шара соңында жиналған қауым мен мереке иесі Ғалиев Жақсылық Мұхажанұлы естелік суретке түсті.
