Оңтүстік Қазақстан облысында қыркүйектің 15-нен 19 күніне дейін QazaqGeo ұлттық географиялық ұйым Қазақстан Республикасы Білім және ғылым министрлігімен бірлесіп «Хан Қорық» атты жастар фестивалін өткізді. Биыл «Хан Қорық» фестивалі Қазақстан Республикасы Тәуелсіздігінің 25 жылдығымен өткізілуде. Бұл жыл сайын QazaqGeo ұйымымен өткізілетін іс-шара. Жобаның басты мақсаты – жастардың отаншылдық сезімі мен елінің тарихына, мәдениетіне деген махаббатын дамытып, географиялық білімді насихаттау.
Фестиваль аясында қатысушылар ұлы даланың тарихи және мәдени ескерткіштері, Қазақстанның табиғи қорықтарымен танысты. Фестивальға Қазақстан ЖОО-ның студенттерімен бірге байқау нәтижелері қорытындысы бойынша таңдап алынған QazaqGeo мүшелері қатысты. Біздің ЖОО-нан фестивальға «География» и «Экология» мамандығы бойынша жаратылыстану және спорт факультетінің 7 студенті қатысты.
«Хан Қорық»-2016 фестивалі қатысушылары көптеген тарихи орындарды аралады: Шымкенттен Түркістанға дейін жолда олар Аппақ Ишан мұражай-медресесі (ХІХ ғасыр), Домалақ Ана кесенесі, Байдібек үңгірі әсемдігін өз көздерімен көре алды. Келесі бағыт бойынша Арыстанбаб кесенесі (ХII ғасыр), Отырар (XIII ғасыр), Сауран (XV ғасыр) ескі қалалары, Қ.А. Яссауи (XIV ғасыр) кесенесі сияқты көрнекті жерлерді тамашалады. Түркістаннан қайтар жолда Темірлан ауылында орналасқан ұлы қазақ батыры, еркін күрестен көп дүркін әлем чемпионы Қажымұқан Мұңайтпасов (өзінің әлемдік танымалдылығына жолын Петропавлда бастаған) атындағы мұражайға кірді. Осы жерде еліміздің олимпиада құрамасына жолдау түсіріліп, флешмоб өткізілді.
Сайрам-Өгем мемлекеттік ұлттық табиғи паркінде (Қаржантау жотасы) студенттер Ата-баба алқабы (биіктігі 2500м) шыңына және Кергелі аңғарына Төменгі көлге (биіктігі 2200 м) көтерілді.
Қ.А. Яссауи атындағы халықаралық қазақ-түрік университетінде ҚР Тәуелсіздігінің 25 жылдығына арналған студенттік конференция өтті. Онда QazaqGeo, ЖОО презентацияларымен студенттер, сонымен қатар Республикамыздың танымал өлкетанушылары, тарихшылары мен археологтары сөз сөйледі. Фестивальдің жас қатысушылары көптеген халықаралық экспедициялар қатысушысы, танымал жазушы Исмаилжан Иминовты ерекше қызығушылықпен тыңдады. Фестиваль аясында «Климат өзгерісіне бейімделу мен климат өзгерістерімен күрес сұрақтары мәнмәтініндегі қоршаған орта» тақырыбында ғылыми семинар-байқау өтті. Байқау жеңімпазы «Органикалық ауыл шаруашылық пен оның төмен көміртекті ортаның қалыптасуындағы рөлі»тақырыбындағы жобамен М. Қозыбаев атындағы СҚМУ «География» мамандығының 3 курс студенті Гиричев Роман атанып, оған жаңа планшет сыйланды.
Фестивальдың мәні мен мазмұны әр қатысушы өз өлкесінің киелі тарихын біліп, оның дәстүрлерін сақтап қалуға өз үлесін қосып, ата-бабаларына құрмет білдіруіне бағытталған.
ҚР Премьер-министрі Кәрім Мәсімов бастамасымен 2013 жылдың қазан айында құрылған QazaqGeo ұйымы бес басым бағытта жұмыс істейді: география, климат; қоршаған орта; табиғи ресурстар; биоәртүрлілік; туризм, жиһанкездік; өлкетану; тарихи-мәдени мұра, этнография. Жыл сайын өңірлерде QazaqGeo ұйымының көптеген зерттеу жобалары іске асырылуда. Соның ішінде «Солтүстік Қазақстан облысының бердвочинг жүйесін дамыту» жобасын іске асыруға М. Қозыбаев атындағы СҚМУ ғалымдары мен магистранттары, қала мен облыс оқушылары қатысты.
QazaqGeo ұйымы Еуразиялық Топ (ERG), «Шығыстүстімет» ЖШС, «Қазақмыс корпорациясы» ЖШС сияқты ірі компаниялардың демеушілігімен өз жобаларын жүзеге асырады. QazaqGeo ұйымына кез-келген адам кіре алады. Ол үшін тек қана www.kngo.kz сайтына кіріп, электрондық тіркелуден өту жеткілікті.
Сергей Пашков, география ғылымдарының кандидаты,
«Қазақстандық ұлттық географиялық қоғамы» АҚҰ
Солтүстік Қазақстандағы бөлімінің басшысы.
