Еліміздің Тұңғыш Президенті Н. Назарбаев Қазақстан тәуелсіздік алғаннан бері әлденеше рет әлемдік саясатта маңызы зор халықаралық бастамалармен сөз сөйледі.
Президентпен жарияланған «Әлем. XXI ғасыр» манифесі ғаламдық шындық жағдайында тұрақты әлем тәртібінің біртұтас жүйесін жасау стратегиялық платформасын ұсынады. Елбасы мемлекеттер арасындағы барлық талас-тартыстарды реттеу үшін бейбітшілік пен қауіпсіздікке тең жауапкершілік, өзара құрмет және ішкі іске араласпау қағидаттарына бейімделген бейбіт үнқатысулар мен сындарлы келіссөздер негіз болуы керек екенін ерекше атап өтті. Барлығына бейбітшілік қажет. Адамдар татулықта еңбек етіп, дем алса, бұл – ең үлкен адамзат бақыты.
Әлемдік және дәстүрлі діндер көшбасшыларының съезін өткізу – Қазақстанның маңызды бастамаларының бірі. Сенім мен өзара түсінушілік негізінде құрылған әлемдік және дәстүрлі діндер көшбасшыларының арасындағы диалог осы саладағы халықаралық ынтымақтастыққа зор үміт артып, зорлық, діни экстремизм мен терроризм сияқты қазіргі кездің келеңсіз көріністерін жеңуге жағдай жасайды.