2016 жылдың 4 қыкүйек күні «Достық» үйінде «Green Park», отбасылық парк базасында «Петропавл қаласының ішкі саясат бөлімі» ММ «Жастар СӨС үшін» жастар қоғамдық бірлестік қызметкерлерімен бірге «Үкіметтік емес ұйымдардың құқықтық сауаттылығы мен мемлекеттік органдармен өзара әрекеттесу тиімділігін көтеру мақсатында іс-шаралар ұйымдастыру мен өткізу» мемлекеттік қоғамдық тапсырыс лоты аясында «Жастар — Отанға» атты жастар слетін өткізді. Слет қатысушылары: жастар, студенттік ұйымдарының көшбасшылары, колледж жастары ісі жөніндегі кәсіподақтарының өкілдері, СҚО жастар бастамалары орталығы, М. Қозыбаев атындағы СҚМУ-і. Кездесу ұйымдастырушылары, «Жастар СӨС үшін» жастар қоғамдық бірлестігі, қатысушыларға қызықты бағдарлама ұсынды.
Психолог-мұғалім Людмила Беспятова қатысушыларды белсенді команда құру технологиясы туралы тренингпен қызықтырса, «Жастар СӨС үшін» жастар қоғамдық бірлестігінің төрағасының орынбасары Лидия Грабарь «Жобалық менеджмент. Қоғамдық идеялар жәрмеңкесі» атты семинар-тренинг өткізді.
Екі тренинг те ойын түрінде өткізілгендіктен қатысушыларға өздерін еркін сезініп, жұмысқа белсенді кірісуге көмектесті. Іс-шара соңында слет қатысушыларына сертификаттар табысталды.
Жалпы «Жастар — Отанға» жастар слетіне қатысу жастардың қоғамдық әлеуетін дамытуына ынталандыруға, жастардың басшылық және коммуникативтік қасиеттерін және қаланың жастар кадрлық қорын қалыптастыруға мүмкіндік туғызды.