Келешекте дипломы бар жастардың 80%-ы бизнеске қатысуы тиіс. Оған жету жолы туралы біздің ЖОО студенттерімен «Атамекен» Ұлттық кәсіпкерлер палатасы бақармасы төрағасының орынбасары Мұрат Әбенов бөлісті.
Нарықтық қатынастарды дамыту. Жастардың қаржы және заңдық сауаттылығын арттыру. Оларға кәсіпкерлік қасиеттерді баулу. Бұл тақырыптарды Мұрат Абдуламитұлы Әбенов «Серпін-2050» жобасы бойынша оқитын студенттермен кездесуде талқылады.
«Серпін-2050» жобасы кадрлар жетіспейтін Қазақстанның оңтүстік аймақтарындағы жастарға білім беру мен кейін оларды жұмысқа орналастыруға бағытталған. Қазіргі кезде бұл жоба бойынша университетіміздің қабырғасында алты жүзден астам студенттер білім алады. ЖОО аяқтағаннан кейін олар жұмысқа орналастырылып, басым бөлігі кіші және орта бизнеске кетуі тиіс.
Бүгінгі күні барлық аймақтар бойынша «Серпін» жобасына қатысатын жастарының жалпы саны 9000-ға жуық. Олардың барлығы жатақхана бөлмелері және шәкіртақылармен қамтамасыз етілген.
