Биылғы оқу жылында М. Қозыбаев атындағы СҚМУ-де ректор міндетін атқарушы Серік Өмірбаев бастамасымен «Foundation» факультеті ашылды. Әлемнің барлық ЖОО-да қолданатын тілдік курстар енді бізде де бар! Еліміздің ЖОО-на түсуге дайындалып, сондай-ақ, өмірін педагогикалық қызметпен байланыстырғысы келетін әр адамға «Foundation» факультетінің есігі әрдайым ашық! 9 айлық курс ағылшын тілін, сонымен қатар, "Биология", "Физика", "Химия" және "Информатика" сияқты бейіндік пәндерді тереңдетіп оқытуды көздейді. Қабылдау емтихандары 19 қыркүйек күні өтеді.
Екі кезеңнен тұратын қабылдау емтихандарынан сүрінбей өткен 40 адам мемлекеттік грант есебінен білім алуға үміткер бола алады. Бірінші емтихан – ағылшын тілі, екінші – бейіндік пән. Қалған талапкерлер ақылы негіздегі курстарға қатыса алады. Оқу сомасы – 118 800 теңге.
Тілдік кустардан басқа, «Foundation» факультетінде бұрын қолданылған дайындық курстар жұмыстары жалғастырылады. Оның кешенді тестілеуіне тарихи отанында жоғары білім алуға ниет білдірген қазақ диаспорасы өкілдерін дайындайды. Өткен оқу жылында курстарға 51 адам қатысты. Биыл 2 есе көп студент ағыны күтілмек. Негізінен, ол – Қытай, Өзбекстан және Моңғолия азаматтары.
«Foundation» факультетінің жұмысының тағы да бір бағыты жоғары оқу орындарына түсуге дайындалып жатқан мектеп оқушылары мен колледж студенттеріне арналған кешкі курстар болмақ. Курстарды университет және қала мектептерінің жоғары санатты мұғалімдері өткізетін болады.
«Foundation» факультетінің ашылуы уақыт талабына сай жаңа форматтағы білім беру ортасын құруға мүмкіндік береді.