Кездесуде сыбайлас жемқорлық, қылмыскерлік және әкімшілік құқықбұзушылықтың алдын алу мен болдырмау мәселелері талқыланды.
Шара барысында ішкі істер басқармасының қызметкерлері қазіргі қоғамды шарпыған дерттерді тілге тиек етті. Талқыланған тақырыптардың ішінде жастар арасындағы нашақорлық, бопсалау және сыбайлас жемқорлық секілді мәселелерге ерекше назар аударылды. Жастардың құқықтық сауатын ашу мәселесі де жіті талқыланды.
Жиын барысында сөз етілген мәселелердің бәрі жастармен, яғни студенттер қауымымен, тығыз байланысты. Сондықтан да Университетіміздің әлеуметтік және тәрбие жұмысы бөлімі аталған тақырыптағы іс-шараларды жиі ұйымдастырып отырады.
Өз кезегінде оқу ордмыздың студенттері аталған іс-шараның маңыздылығын түсінеді. Сондықтан да олар кездесу барысында талқыланған мәселелердің жасөспірімдер сансынан тыс қалмай, шараның оң нәтиже беретіндігіне сенімді.
Кездесуде тек баяндамалар ғана оқылып қойған жоқ. Ішкі істер басқармасының өкілдері аудиторияның көкейксті сұрақтарына жауап берді. Сонымен қатар, шара соңында студеттерге үгіт материалдары таратылды.
