Журналистика кафедрасында Бақыт Мұстафинді еске алу кеші өтті. Біздің университетте белгілі жазушы және журналист ұзақ жұмыс істеген жоқ, бірақ студенттер мен әріптестерге ұмытылмас әсер қалдырды.
Қазақстан Журналистер одағының мүшесі, республикалық балаларға арналған «Балдырған» журналының бірнеше дүркін лауреаты. 45 жыл Бақыт Мұталлапұлы Мұстафин аймақтық бұқаралық ақпарат құралдарына адал қызмет еткен. Көптеген жылдар бойы ол «Солтүстік Қазақстан» газетінің бас редакторы қызметін атқарды.
«Жайнаған жер», «Диқан жыры», «Далам – дәулет ордасы», «Адам көркі – еңбек» сияқты көптеген кітаптардың авторы. Оның шығармашылығы әр түрлі тақырыптарды көтергенімен бәрінен де ол балалар үшін жазуды жақсы көретін. Ал үздік публицистикалық жұмыстары үшін Бахыт Мұталлапұлы төрт рет журналистер одағының сыйлығымен марапатталды.
М. Қозыбаев атындағы СҚМУ-нің профессоры Заркын Тайшыбай: «Бақыт Мұталлапұлына университетте болашақ журналисттерді оқыту ұсынысы менен түсті. Бізге кәсіби журналистер қажет болды. Бақыт Мұталлапұлы сондай адамдардың бірі болды. Бүгінгі кездесу – бұл оның тұлғасы мен оның өзінен кейін қалдырған шығармашылық мұрасына құрмет».
Еске алу кешінде журналистің жұбайы Дәмелі Мұстафина болды. Олар бірге 45 жыл өмір сүріп, 2 бала тәрбиелеген. «Ол өнегелі әке, зиялы, сүюші және қамқор адам болды», - дейді ол.
