«Қазақстан халқы ассамблеясы» кафедрасы және «СҚО білім басқармасы» ММ Солтүстік Қазақстан облысының 80 жылдығына арналған «Көшелер мен елді мекендер, ғимараттар, мемориалдар мен ескерткіштер атауларындағы әйгілі жерлестер» атты жобалар байқауының басталуы туралы жариялайды.
Байқауға қатысуға М. Қозыбаев атындағы СҚМУ студенттері және Петропавл қаласы мен Солтүстік Қазақстан облысы оқушылары шақырылады.
Ортақ Отан Қазақстанның ортақтығы мәнмәтініндегі туған өлкенің тарихи-мәдени атамұрасын зерттеу негізінде жаңа қазақстандық отаншылдық мен азаматтық бірегейлікті қалыптастыру байқау мақсаты болып табылады.
Байқаудың тақырыптық бағыттары: мемлекеттік және қоғамдық қайраткерлер; отан қорғаушылары (батырлар, Ұлы Отан соғысы қатысушылары, жауынгер-интернационалисттер); Қазақстанның тәуелсіздігі үшін күресушілер; еңбек ерлері, өндіріс екпінділері, бірінші тың игерушілер; жазушылар мен ақындар, өнер қайраткерлері, ғалымдар; дәрігерлер, мұғалімдер; ұшқыштар, ғарышкерлер, әскери қызметкерлері және т.б.
Жұмыстар MS PowerPoint форматында түсіндірме жазба және қатысуға өтініммен бірге қабылданады.
Өтінім және жұмыс қабылдау 2016 жылдың 21 қазанына дейін жүргізіледі. Байқау қорытындысы 2016 жылдың 28 қазанында жарияланады.